Конте го тужи Челзи

Поранешниот тренер на Челзи, Антонио Конте, ќе поднесе тужба против лондонскиот клуб поради едностраната одлука при раскинувањето на договорот со него.

Италијанскиот стручњак беше отпуштен на 12-ти јули, а на неговото место Челзи веднаш го ангажираше Маурицио Сари.

Конте смета дека раководството на клубот го прекршило договорот и по судски пат ќе бара да му се исплатат девет милиони фунти за последната година од договорот.

Тој смета дека поради периодот кога е отпуштен нема да може да најде ангажман за оваа сезона и инсистира со компензација од Челзи да ги покрие финансиските загуби.

Конте во лондонскиот клуб дојде во 2016 година и ја освои Премиер лигата и ФА купот.