Брод со над 1.300 возила удрил во брег во Шведска

Голем товарен брод што плови под панамско знаме денеска се насукал на источниот брег на Шведска, во близина на пристаништето Седертеље.

Бродот превезува над 1.300 возила, а по ударот во брегот, од него истекло одредено количество гориво. Шведската телевизија СВТ јави дека еден од членовите на екипажот е притворен, и се испитува дали пијан го управувал бродот, бидејќи пред несреќата било забележано дека бродот со часови плови во погрешна насока.