Меѓународен фудбалски младински куп „Пандев 2018“ во Скопје и Струмица

ФК „Академија Пандев“ од Струмица од денеска до 4 август го организира Меѓународниот фудбалски младински куп „Пандев 2018“.

На Купот учествуваат младински екипи со фудбалери родени 2002, 2003, 2004 и 2005 година од седум држави.

Натпреварите ќе се одиграат на терените на ФФМ и во Ѓорче Петров, како и во Струмица.

Генерален покровител на „Пандев Куп 2018“ е нашиот најдобар фубалер, Горан Пандев, а помагатели се ФФМ, Агенција за млади и спорт, Град Скопје, Општина Струмица, Државен студентски Дом „Скопје“ и уште неколку компании.

На отворањето на Меѓународниот младински фудбалски турнир „Пандев Куп 2018“ на Плоштадот „Делфина“ во Скопје, ќе присуствува и претседателот на Владата на Република Македонија, Зоран Заев, кој ќе има и свое обраќање.