Нико Ковач потврди: Левандовски останува во Баерн

Тренерот на Баерн Минхен Нико Ковач изјави доста самоуверено дека Роберт Левандовски ќе остане кај Баварците.

Многумина велат дека желбата на напаѓачот е да се пресели во Реал Мадрид, а неговиот агент вели дека неговото време во Баерн е завршено.

- Нема ништо ново за Роберт. Јасно е дека нема да го напушти клубот затоа што имаме врвен напаѓач и сигурно не сакаме да се разделиме со него. Ние сакаме да постигнеме многу со него. Тој е одличен фудбалер кој постигнал многу, постигна многу голови и сигурно ќе постигне уште многу во новата сезона, изјави новиот тренер на германскиот шампион.

Легендата на Баерн Минхен, Џовани Елбер, пак го советуваше Полјакот да не размислува за трансфер во Реал Мадрид.

- Она што се случи минатата сезона не е добро, бидејќи неговиот агент не запираше да зборува за преминување во Реал Мадрид и каде ли уште не. Тоа не е убаво, бидејќи еден играч треба да мисли целосно за клубот, а неговиот е Баерн, изјави Бразилецот за Goal.com.

Тој додаде дека Лева ќе се врати во Минхен и ќе ги обнови тренинзите..

- Треба да мисли само за тимот и за ништо друго. Работите кои ќе се случат треба да бидат оставени на неговиот агент. Не треба да има расправии со Баерн", додаде Елбер.