Јувентус ги победи ѕвездите на МЛС во Атланта

[photo]

Италијанскиот шампион Јувентус го совлада тимот на ѕвездите на американската МЛС лига во пријателски меч, одигран на „Мерцедес Бенз Арена“ во Атланта.

Во регуларното време натпреварот заврши 1:1, а по пенали, тимот на тренерот Масимилиано Алегри победи со 5:3.

Тимот од Торино го отвори резултатот во 21-вата минута со гол на 21-годишниот напаѓач Андреа Фавили, кој искористи пас на Матеус Переира и постигна одблизу со глава.

Само пет минути подоцна, ривалот изедначи со гол на Мартинез по колективната грешка во одбраната на Јувентус.

При пеналите, „бјанконерите“ беа безгрешни, додека за селекцијата на МЛС промаши Бредли Рајт-Филипс.

Јувентус играше со два различни состави во двете полувремиња, а единствениот што остана на 90 минути на теренот беше дефанзивецот Даниеле Ругани.

Натпреварот беше доста изедначен, а ѕвездите на МЛС имаа повисок процент на посед на топката.