Гвардиола скромен: Ова е само почеток

Менаџерот на Манчестер Сити, Пеп Гвардиола, е задоволен од начинот на кој неговите избраници го одиграа дербито со Арсенал.

Сити победи со 2:0 и со три освоени бода на тешкиот терен тргна кон одбрана на трофејот.

- Одигравме добро против тежок ривал. Освоивме бодови на „врел“ терен, но ова е само почеток. Сезоната е долго, ќе биде потешко од лани, смета Гвардиола.

Тој се осврна на играта на францускиот интернационалец Менди кој им асистираше на Стерлинг и Силва при постигнување на двата гола.

- Понекогаш ние во стручниот штаб сакаме да го убиеме, а понекогаш си велиме, леле каков играч имаме во тимот. Во него има огромен потенцијал и ако го убедиме да заборави на социјалните мрежи многу ќе ги подобри своите фудбалски вештини, потенцира Гвардиола.