Земјотрес во реонот на Зеница

Земјотрес со интензитет од 4,1 степени според Рихтеровата скала синоќа го погоди реонот на босанскиот град Зеница, што предизвика вознемиреност кај населението.

Како што соопшти Управата за цивилна заштита на Зеничко-добојскиот Кантон, земјотресот се случил нешто по 22 часот на длабочина од 10 километри под површината на земјата, со епицентар во зеничката населба Локвине, на околу 70 километри северно од Сараево.

Според директорот на кантоналната Управа за цивилната заштита, Џавид Алиќиќ нема информации за жртви, а не е предизвикана ниту поголема материјална штета, освен што делови на Зеница останале без струја.

Босанските медиуми јавија дека земјотресот предизвикал вознемиреност кај жителите на Зеница, поради што многу од нив ги напуштиле своите домови и поголем дел од ноќта го минале под отворено небо