Повторно смена во Џенова: Прандели нов тренер на Пандев

Чезаре Прандели е новиот тренер на Џенова, соопшти клубот во Твитер. Поранешниот селектор на Италија ќе го одржи својот прв тренинг со својот нов тим попладнево. Претходно, Прандели работеше во Ал Наср.

Под негово раководство, Италија освои сребрен медал на Еврото 2012.

Џенова во четвртокот испадна од Купот на Италија, откако загуби од третолигашот Виртус Ентела по изведувањето на пенали. Џенова доживеа дебакл на својот стадион „Луиџи Ферарис“ во натпревар од четвртото коло, а тренерот Иван Јуриќ беше сменет веднаш по мечот.

Хрватот беше на чело на Џенова од 9 октомври оваа година, заменувајќи го Давиде Балардини. По 11 кола во Серија „А“, Џенова е на 14 место на табелата.