Недвед за Атлетико: Ни се падна најтешкиот противник

Потпретседателот на италијанскиот шампион Јувентус, Павел Недвед, не беше задоволен од ждрепката за осминафиналето на Лигата на шампиони.

„Бјанконерите" имаат тешка задача, откако ќе се соочат со Атлетико Мадрид.

– Не сме среќни. Нивниот стил на игра е повеќе италијански. Силни се во одбрана и имаат играчи како Антоан Гризман, кои знаат како да играат на контра-напад. Очекувам два изедначени натпревари со малку голови. Ни се падна најтешкиот противник, но нема проблем, изјави Недвед.

Првата средба ќе се игра на стадионот на кој ќе се одржи и финалето – „Ванда Митрополитано".

Реваншот во март ќе биде во Торино.