Кулибали: Горд сум на бојата на кожата

Фудбалерот на Наполи, Калида Кулибали, преку социјалните мрежи се огласи за настаните на синоќешниот дуел со Интер кога беше навредуван на расна основа од домашните навивачи.

Сенегалскиот интернационалец испровоциран од навредите, саркастично реагираше со аплауз кон судијата по што доби втор жолт картон и беше исклучен.

– Разочаран сум од поразот, но, пред сè, жал ми е што морав да ги оставам моите браќа. Јас сум горд на мојата боја на кожата. Горд сум што сум Французин, Сенегалец и „Наполитанец“ напиша Кулибали на Твитер.