Тотенхем ја активираше клаузулата на Алдервеирелд

Тотенхем ќе ја искористи можноста да ја активира еднострано клаузулата во договорот на Тоби Алдервеирелд, откри менаџерот на „петлите", Маурисио Покетино.

Така договорот на Белгиецот ќе биде продолжен за дополнителни 12 месеци – до летото 2020 година. Во клаузулата има дополнителен услов, според кој секој клуб може да го привлече Алдервеирелд во летото 2019 година, откако ќе плати за него 25 милиони фунти.

Понудата сепак треба да пристигне во клубот 14 или повеќе дена пред затворањето на летниот трансфер прозорец.

Алдервеирелд е трансфер цел на Манчестер Јунајтед уште од минатото лето.

Интересно е дали „црвените ѓаволи" ќе испратат понуда за Белгиецот уште оваа зима, или ќе чекаат до летото, кога ќе можат да го привлечат за 25 милиони.