Икарди ќе добива по осум милиони евра годишно со новиот договор со Интер

Напаѓачот на Интер, Мауро Икарди, може да добие плата од осум милиони евра годишно според новиот договор со клубот во Милано, објави „Калчомеркато“.

Сумата за предвремен раскин на сегашниот договор на Икарди со Интер изнесува 110 милиони евра. Се шпекулира дека ова лето Реал ќе биде подготвен да ја плати оваа сума за аргентинскиот фудбалер.

Затоа, раководството на Интер се обидува да му понуди на Икарди што е можно побрзо нов договор во кој износот на откупната клаузула ќе биде значително поголем.

Дваесет и петгодишниот фудбалер во Интер е од 2013 година. Оваа сезона Икарди одигра 18 натпревари и постигна 12 гола.

На крајот на сезоната 2017/18, Аргентинецот беше прогласен за најдобар играч во италијанскиот шампионат.