Баерн и официјално го продаде Вагнер во Кина

Германскиот шампион Баерн Минхен оствари излезен трансфер во Кина. Од клубот ја објавија продажбата на Сандро Вагнер во Тијнажин теда.

Според медиумите во Германија, вредноста на трансферот изнесува 5 милиони евра. Вагнер, кој е дете на Баерн, потпишал договор до крајот на 2020 година, откако ќе добие 15 милиони евра од плати за престојот во кинескиот клуб.

– Сандро не замоли да го раскинеме неговиот договор. Тој имаше многу атрактивна понуда и го исполнивме неговото барање. Му благодариме на Сандро за поминатото време во Баерн, му посакуваме се најдобро и многу успех во Кина, изјави спортскиот директор на баварците, Хасан Салихамиџиќ.

Вагнер се врати во Баерн на крајот на 2017 година. Тогаш баварците платија 12 милиони евра на Хофенхајм за родениот во Минхен напаѓач, кој беше донесен како опција на голгетерот на тимот – Роберт Левандовски.

Вагнер силно се врати во сезоната 2017-18 и постигна осум гола во 14 натпревари во Бундеслигата. За време на оваа кампања, германскиот напаѓач малку игра под Нико Ковач, откако на теренот помина само 264 минути.

За време на неговиот втор престој во Баерн, Вагнер забележа 30 натпревари на сите турнири во кои постигна десет гола. Со баварскиот тим, напаѓачот ја освои Бундеслигата минатата сезона.

Во текот на летото, Вагнер одлучи да се откаже од националниот тим на Германија откако не доби повик за Светското првенство во Русија. Тој има пет гола во осумте настапи за Бундестимот, чиј дел беше кога беше освоен Купот на Конфедерациите во 2017 година.

Баерн веројатно нема да привлече алтернатива на Вагнер, иако тимот останува со еден истакнат централен напаѓач во лицето на Левандовски.

Баварците се активни на трансфер прозорецот и веќе го објавија трансферот на светскиот шампион Бенџамин Павар. 22-годишниот дефанзивец ќе се приклучи на тимот во текот на летото. Германскиот шампион, исто така, се обидува да го земе 18-годишен Калид Хадсон-Одој од Челзи, но „сините“ одбиваат да се разделат со фудбалерот во зима.