Бејл отфрлил две понуди од Островот поради Реал

Напаѓачот на Реал Мадрид, Герет Бејл отфрлил две понуди од Премиер лигата за да остане во „кралскиот клуб“, објави „Тајмс“.

Според информациите, Велшанецот не ги прифатил предлозите на Манчестер Јунајтед и Челзи, за да продолжи на „Сантијаго Бернабеу“.

Бејл има договор до 2022 година со „белиот балет“. Во тековната сезона напаѓачот учествувал на 18 натпревари во Ла Лига, во кои постигнал 6 погодоци.

За последен пат, Бејл реализираше во победата од 3:1 над Атлетико Мадрид.