Шефот на Баерн: Само да знаевте кого договоривме за следната сезона

Баерн Минхен ги исполнил најголемиот дел од своите ветувања за да направи голем избор за новата сезона. Ова се дознава со зборовите на претседателот Ули Хенес пред „Спорт 1“.

– Само да знаевте кого договоривме за следната сезона. Но ако сега објавиме со кого сме потпишале, ќе ги налутиме оние, кои во моментов не играат, изјави шефот на баварците.

Во оваа фаза, трансферот на Бенџамин Павар од Штутгарт беше потврден. Се очекува Минхен да привлече уште еден светски шампион – Лука Ернандез од Атлетико Мадрид.

– Денешните трансфери се поскапи. Токму затоа штедевме пари и се подготвуваме за лето. 80 милиони евра за Ернандез? Ако можеме да добиеме некој како него, ќе дадеме толку многу, додаде Хенес.

Сигурно Баерн ќе земе барем еден крилен напаѓач, откако Арјен Робен и Франк Рибери си заминуваат по крајот на сезоната. Има потреба од засилување и на позицијата на централен напаѓач, бидејќи резервата на Роберт Левандовски, Сандро Вагнер замина да игра во Кина.

Во јануари на „Алијанц арена“ пристигна 18-годишниот Алфонсо Дејвис, но тој се уште не е на вистинското ниво за првиот состав.