Челзи го казни Кепа, голманот јавно се извини

Голманот на Челзи, Кепа Аризабалага, се извини за своето однесување на крајот од финалето на Лига купот против Манчестер сити (0: 0, 3:4 за пенали). Во 118-тата минута, Шпанецот одби да го отстапи своето место на резервниот голман и предизвика бес кај тренер на тимот Маурицио Сари и осуда од фудбалската јавност.

Сакам да се извинам за моето однесување на тренерот, клубот, соиграчите и навивачите. Ќе научам лекција од оваа епизода. Шпанецот се повреди на самиот крај на дополнителното време. Сари одлучи да го замени со Вили Кабалеро кој веќе беше подготвен да влезе на теренот. Судиите ја објавија замената, но Кепа одби да го напушти теренот, покажувајќи дека може да продолжи. Не помогнаа ниту убедувањата на соиграчите да излезе од теренот.

Клубот го испитуваше инцидентот, ги слушаше двете страни и одлучи да го казни голманот со една неделна плата. Овој износ ќе биде префрлен во хуманитарниот фонд „Челзи Фондација“.

Многу размислував за вчерашните настани. Иако имаше недоразбирање, откако размислував за сè, сфатив дека направив голема грешка во тоа како се однесував во оваа ситуација. Прифаќам било каква казна или дисциплинска одлука што клубот ја смета за соодветна, додаде Кепа.