Тинејџерската ѕвезда на Реал Мадрид доби повик од „Селесао“

Селекторот на Бразил, Тите го објави составот на кој ќе смета за претстојните пријателски средби со Панама на 23-ти март во Порто и на 26-ти март во Прага, кои се дел од подготовките на тимот за овогодинешната Копа Америка, на која земјата е домаќин.

Најголем впечаток остави присуство на 18-годишниот талент на Реал Мадрид, Виничиус Жуниор, за кого ова е прва покана за сениорскиот тим на „Селесао“. Досега тој има 29 натпревари и 23 гола за младинските формации на „кариоките“.

Големата ѕвезда на Бразил, Нејмар е надвор од списокот поради повреда на глуждот. Марсело, кој неодамна ретко се наоѓа меѓу стартерите на Реал Мадрид, исто така е аут од составот.

Повикани во репрезентацијата на Бразил:

Голмани: Алисон, Едерсон, Вевертон

Одбрана: Дани Алвеш, Данило, Филипе Луис, Алекс Сандро, Жоао Миранда, Маркињос, Тиаго Силва, Едер Милитао

Среден ред: Алан, Артур, Каземиро, Фабињо, Филипе Кутињо, Лукас Пакета, Фелипе Андерсон

Напаѓачи: Роберто Фирмино, Габриел Жесус, Евертон, Ричарлисон, Виничиус Жуниор.