Валверде ги предупреди своите фудбалери: Реал е способен да запише серија на победи

Тренерот на Барселона, Ернесто Валверде ја прокоментира победата со 1:0 над Реал (Мадрид), по која каталонците поведоа со 12 поени пред големиот ривал на табелата во Примера.

– Да се ​​победи на „Сантијаго Бернабеу“ е тешко, а замислете да го направиш два пати. Тие не притиснаа и се обидуваа да ни отежнат со центрирања, но кога топката беше во нас, создававме опасни ситуации, прокоментира Валверде.

Тој вели дека разликата во поените веќе е сериозна, но сепак треба да внимаваат на Реал, кој може да оствари неколку победи во серија.

– Овој пат имавме поинаков пристап во споредба со натпреварот во средата за Купот. Се обидовме да ја контролираме повеќе играта во средината на теренот. Во одбрана пак дејствувавме многу организирано и сите си помагаа. Убаво е да имаме слична предност, но до крајот има доста натпревари, а Реал е способен да запише серија на победи. Да не го забораваме и Атлетико, додаде Ернесто Валверде.