Тадиќ е само деветти играч кој добил оценка 10 од „Л’екип“, кои се другите осум?

Францускиот медиум има високи стандарди кога оценува играчи според одреден настап, само девет фудбалери добиле чиста „десетка“

Врвни дриблинзи, хируршки прецизни асистенции, еврогол – Така најлесно и најбрзо може да се опише вчерашниот настап на Душан Тадиќ во победата на Ајакс против Реал Мадрид со 4-1. Српскиот репрезентативец вчера воодушеви со својата игра, учествуваше во три од четири гола на „копјаниците“, па доби највисока можна оценка од францускиот медиум „Л’екип“.

Тој е само деветти фудбалер кој одиграл за чиста „десетка“, но кои се останатите осум играчи кои биле високо оценети според францускиот медиум.

Нејмар – ПСЖ 8-0 Дижон (17- јануари 2018г.), четири гола и две асистенции

Kaрлос Едуардо – Гингам 2-7 Ница (26-ти октомври 2014г.), пет гола

Роберт Левандовски – Б. Дортмунд 4-1 Реал Мадрид (24-ти април 2013г.), четири гола

Лионел Меси (во два наврати) Барселона 4-1 Арсенал (шести април 2010г.), четири гола; Барселона 7-1 Б. Леверкузен (седми март 2012г.), пет гола

Ларс Винфелд – Нант 0-1 Аарус (1997 година)

Олед Саленко – Русија 6-1 Камерун (1994 година), пет гола

Франк Сози – Франција 3-0 Грција (1988 година), два гола

Бруно Мартини – Франција 3-0 Грција (1988 година)

Извор: Sportmanija.mk