Арсенал го нанесе првиот пораз на Солскјер на чело на Јунајтед

Арсенал го нанесе првиот пораз на Оле Гунар Солскјер на чело на Манчестер Јунајтед, откако ги победи „црвените ѓаволи“ на „Емирати“ со 2:0.

Во 12-тата минута Гранит Џака постигна гол по извонреден удар од левата страна, а Пјер Емерик Обамејанг реализираше од пенал во 69 минута.

Фудбалерите на Оле Гунар создадоа неколку добри позиции, но голманот Бернд Лено одлично бранеше и не дозволи топката да помине зад неговиот грб.

По овој успех, Арсенал се искачи на четврто место во Премиер лигата, со 60 поени, две повеќе од Манчестер Јунајтед и три од Челзи. Третиот Тотенхем има 61.