Сити со фонд за жртвите на сексуално насилство од тренери

Англискиот шампион Манчестер Сити ќе создаде фонд, од кој да бидат компензирани жртвите на насилство, манифестирано од поранешниот тренер од школата на клубот – Бари Бенел, пишува „Гардијан“ денес.

Бенел во моментов е во затвор, откако отслужува 30-годишна затворска казна за сексуална злоупотреба на деца во школата на „граѓаните“. Предметниот тренер бил во два периоди тренер во Академијата на Манчестер Сити меѓу 1976-та и 1984-та година, пред да се приклучи на една од најпрестижните школи во земјата – Кру Александра.

Се претпоставува дека жртвите ќе добијат шестцифрени суми и писмено извинување како компензација.

Според податоците ,кои се во канцеларијата на Манчестер Сити, околу 40 лица поднелe тужби против Бенел, кој бил затворан за различни периоди четири пати, вклучувајќи и еднаш во САД, каде што исто така има работено за кратко во фудбалска школа.

Манчестер Сити, исто така, ќе понуди паричен надоместок од друг фонд за жртвите на Џон Брум – докажан педофил, кој почина во 2010 година. Брум работел за Сити како учител во областа на талентот и како тренер во училиштето.

Девет лица во моментов споделиле дека биле предмет на сериозно сексуално насилство од страна на овој педофил, вклучувајќи и силување, пишува уште „Гардијан“.