Пандев со специјални копачки ќе игра на јубилејниот меч против Летонија

Македонија ќе ги почне квалификациите за Европското првенство 2020, противник е Летонија. Овој меч е посебен за Горан Пандев бидејќи тоа ќе биде неговиот 100. во репрезентативниот дрес.

Пандев на инстаграм ги објави копачките со кои ќе игра, а тие се специјални за овој меч. На нив го има знамето на Македонија под кое е бројката 100, на левата копачка е името на неговиот син Филипо, а на десната се на керкичките Ана и Софија.