Куртоа за Азар: Тој е еден од најдобрите во светот и сакам да дојде во Реал

Голманот на Реал Мадрид и белгискиот национален тим, Тибо Куртуа поддржа евентуален трансфер на Еден Азар кај „белите“. И двајцата се соиграчи во репрезентацијата, а пред тоа и во Челзи, пред голманот да премине во Реал.

– Не знам дали Азар ќе потпише со Реал, ниту знам дали клубот навистина го сака, но за мене тој е одличен фудбалер. Секој одлучува што да прави со својот живот. Тој е еден од најдобрите во светот и како пријател, би сакал да дојде, рече Куртоа за гласините за евентуален трансфер.

Денес, францускиот весник „Екип“ ги открил намерите на Реал Мадрид за обновување на тимот во текот на летото. Една од трите главни цели за трансфер е Азар.