Официјално: "Филип Втори" преименуван во Национална Арена "Тоше Проески"
Неодамнешните шпекулации денес добија и официјална потврда. Владата на редовната 129 седница донесе одлука за преименување на скопскиот стадион во Национална арена „Тоше Проески“.
-Утрово на редовната 129 #седница на @VladaMK донесовме одлука за преименување на стадионот во Национална Арена Тоше Проески, во чест на личноста која остави траен белег на македонската и регионална современа историја - стои во соопштението на Бошњаковски на социјалната мрежа Твитер.
