Сколс: Барселона не е добра како порано

Легендата на Манчестер Јунајтед, Пол Скоулс рече дека тимот на Барселона не бил толку силен како оној со кого се соочил во минатото. Поранешниот играч од средниот ред загуби две финалиња во Лигата на шампионите против каталонците во 2009 и 2011 година

– Не мислам дека Барселона е добра како што беше. Кога игравме против нив, знаевме дека ако имавме 25% посед на топката, ќе бидеме среќни. Беше прашање на концентрација. Толку многу класа играчи – Меси, Чави и Иниеста од оваа ера. Јас не мислам дека тие имаат толку многу добри играчи во моментов, но тие се уште имаат вистинска класа. Можеш ли да го задржиш Меси? Не сум сигурен дека можеш. Ниту Суарез, смета легендата на „црвените ѓаволи“.

Тој вели дека тоа што Барселона е сметана за фаворит во овој дуел, може да помогне на неговиот поранешен тим.

– Не мислам дека многумина очекуваат дека Јунајтед ќе помине во следната фаза, така што тоа може малку да им помогне. Јунајтед имаат некаква класа и многу добри напаѓачи. Прашањето е дали можат да ги запрат на другата страна на теренот? Особено на Олд Трафорд, додадава Сколс пред „Премиер лиг продакшн“.