Кан се враќа во Баерн Минхен

Легендата на Баерн Минхен, Оливер Кан се враќа во клубот во почетокот на следната година, потврди претседателот Ули Хенес.

– Ние се наоѓаме во многу конкретни разговори со Оливер и по се изгледа дека тој започнува so работа на 1 јануари 2020 година. Ние не сме под притисок, бидејќи договорот на Карл-Хајнц Румениге како извршен директор е до крајот на 2021 година, изјави Хенес за радост на милионите фанови на баварскиот гигант во светот.

Кан ќе биде дел од одборот на директори, каде што ќе собира искуство. Самиот Румениге неодамна изјави дека ќе му помага на Оли, за да го подготви за својот пост.

– Ми се допаѓа развојот на Оливер по крајот на неговата кариера. Таа еволуираше фантастично како аналитичар на телевизија, основаше своја фирма и започна да учи економија. Ќе имаме човек кој го доживеа фудбалот на највисоко ниво како голман, а во исто време е способен да се справат со финансиските прашања, продолжи Хенес.

Кан бранеше за Баерн од 1994 до 2008 година.