Виера фаворит за тренерската позиција во Лион

Поранешниот капитен на Франција, Патрик Виера, кој во моментов го води тимот на Ница, може да го преземе Лион во блиска иднина, објави весникот „Паризиен“.

Во моментов, тимот на 42-годишниот стратег е рангиран на осмото место, а долго време беше меѓу кандидатите за место во Лигата на шампионите.

Во информацијата се тврди дека претседателот на Олимпик Лион, Жан-Мишел Ола има цел список со кандидати, а Виера е на чело.

Другите кандидати за оваа функција се Кристоф Галие (Лил) и Марсело Гаљардо (Ривер Плата). Исто така се споменува името на Лорен Блан, но неговото назначување е малку веројатно.

Причината за потрагата по нов тренер е одлуката да не се обновува договорот на актуелниот ментор Бруно Женесио, кој заминува по крајот на сезоната.

Лион моментално е на трето место со 56 поени во 32 натпревари.

Претседателот Жан-Мишел Ола верува дека тимот „тапка“ во исто место и не се надградува, како што се очекувало во последните две години.