Парите дадени за Роналдо, стадионот на Јувентус ќе ги врати за 2 години

Многу се зборува деновиве за Кристијано Роналдо по елиминацијата на Јувентус од Ајакс во Лигата на Шампионите. Беше изненадување што италијанскиот тим беше поразен дома од холандскиот тим, уште повеќе оваа сезона со доаѓањето на португалската ѕвезда.

Неколку италијански медиуми уверуваат дека Кристијано Роналдо нема да го заврши својот договор со Јувентус.

„Газета дело спорт“ изготви извештај во кој се наведува дека трансферот на Роналдо при „бјанконерите“ ќе биде вратен од стадионот на Јувентус за приближно две сезони.

Стадионот на Јувентус има приход од 60,5 милиони евра во оваа кампања. Тој ја зголеми својата заработка за 40 отсто. Трансферот на Роналдо од Реал Мадрид во Јувентус изнесуваше 117 милиони евра. Во голема мера, поради трансферот на португалскиот фудбалер, стадионот успеа да запише слични приходи. Ова се должи на зголемувањето на цените на билетите и сезонските карти.

Стадионот на Јувентус иако собира 41.507 гледачи, што е малку во споредба со гигантите од другите топ-првенства, сепак е „златен рудник“, благодарение на трговскиот центар, рестораните и музејот, кој клубот го има.

Без никакво сомневање објектот е едно од обележјата на градот Торино, а приходите му се зголемуваат уште повеќе по пристигнувањето на Кристијано Роналдо.

Затоа шпекулациите за негово заминување треба да се земат со голема доза на резерва, додаваат во Италија.