Ајнтрахт негираше дека го продал Јовиќ на Реал Мадрид

Спортскиот директор на Ајнтрахт Франкфурт, Фреди Бобич отфрли ги негираше информациите дека германскиот клуб се договорил со Реал Мадрид за трансферот на Лука Јовиќ.

Бобич дури и негираше дека преговарал со шпанскиот клуб за продажба на 21-годишниот напаѓач.

– Немаше контакт со Реал Мадрид. Ова е лага, рече Бобич во интервју за „ЕСПН“ за вестите за договорот помеѓу Ајнтрахт и Реал Мадрид.

Според „АС“, Реал Мадрид и Ајнтрахт Франкфурт се договориле за трансфер на српскиот репрезентативец за сума од 60 милиони евра.

Според изданието, Јовиќ требало да потпише шестгодишен договор со „кралскиот“ клуб.