Претседателот на Барселона ќе свика итен состанок на кој ќе разговара за иднината на Валверде

Претседателот на Барселона, Хозеп Марија Бартомеу одлучил да свика итен состанок по поразот од Валенсија во финалето на шпанскиот Куп, објавија тамошните медиуми.

Барселона синоќа загуби со 2:1, натпревар по кој се шпекулира дека е неизвесна судбината на тренерот Ернесто Валверде.

Алармот на „Камп ноу“ се вклучил по неуспешните настапи на тимот на крајот на сезоната.

Барселона го освои трофејот во Примера, но претрпе болна елиминација во полуфиналето од Лигата н ашампионите од Ливерпул (3:0, 0:4), а не успеа ниту во финалето на шпанскиот куп со валенсија.