ФФМ домаќин на регионален семинар

Фудбалската федерација на Македонија беше домаќин на регионален семинар на кој учестуваа претставници од четири фудбалски асоцијации на Германија, Босна и Херцеговина, Бугарија и Косово, како и претставници на клубовите од Прва МФЛ и НВО „Мобилност“ и Националната спортска асоцијација за глуви.

На семинарот за развој на улогата на лицата од клубот надлежни за обезбедување пристап на лицата со инвалидност, учесниците работеа на развој на поинклузивни услови и услуги за лицата со инвалидитет во сферата на фудбалот.

Воведно обраќање пред присутните имаше генералниот секретар на ФФМ, Филип Поповски истакнувајќи дека ФФМ нуди полна поддршка и прави напори да се овозможат сите услови за вклучување на лицата со инвалидност во фудбалската игра.

На работниот дел од семинарот федерациите ги разменија своите искуства во областа, а клубовите дискутираа за своите идеи за понатамошен развој, а предавање за проектите на ФФМ во поглед на инклузивноста имаше Ирена Бакревска Милошевска, национален координатор за лице од клубот кое ќе им овозможи пристап на стадионите на лицата со инвалидитет.