Ферлан Менди потпиша со Реал Мадрид

Дефанзивецот на Олимпик Лион, Ферлан Менди беше официјално објавен за фудбалер на Реал Мадрид. Договорот на Французинот ќе трае до 30 јуни 2025 година. Најновиот додаток на шпанскиот гигант ќе биде официјално претставен на 19 јуни попладне.

Минатата сезона Менди зеде учество во 44 натпревари за Лион, во кои постигна 3 гола и направи 3 асистенции.

Според информациите на „РМЦ“, Реал Мадрид ќе плати за дефанзивецот 48 милиони евра без бонуси. „Трансфермаркт“ го проценува на 30 милиони евра.

Денес на „Сантијаго Бернабеу“ беше официјално претставен напаѓачот Лука Јовиќ.