Чех назначен за технички советник во Челзи

Поранешниот голман на Челзи, Петр Чех, е назначен за технички советник во клубот. Како дел од лондонскиот тим, Чех ги освои Лигата на шампионите и Лигата на Европа.

– Добредојде назад, Голем Пит! – пишува Челзи на својот Твитер.

Како што е наведено на официјалниот сајт на клубот, Чех ќе дава совети за сите прашања поврзани со фудбалот, како и за зајакнување на силни врски помеѓу тимови на сите нивоа и академии.

– Голема чест е што повторно ја добив можноста да се приклучам на Челзи и да помогнам да се создаде највисоко можно опкружување за високи перформанси со цел да се продолжи со успехот што клубот го постигна во текот на изминатите 15 години, истакна легендарниот голман на „сините“.