Шпанија противник на Германија во финалето на младинското ЕП

Репрезентацијата на Шпанија ќе игра во финалето на Европското првенство за фудбалери до 21 година. Шпанците синоќа во Реџо Емилија, ја совладаа Франција со 4:1, иако противникот прв дојде во водство.

Противник на „црвената фурија“ во мечот за трофејот ќе биде Германија која во првото полуфинале ја совлада Романија со 4:2.

Финалето е закажано за в недела (30 јуни) во Удине со почеток во 20:45 часот.