Ривер Плата го отвора „Монументал“ за бездомници
Аргентинскиот фудбалски клуб Ривер Плата ја отвори вратата на својот стадион „Монументал“ за бездомниците.
Локалната метеоролошка институција предупреди дека температурите значително ќе паднат во текот на следните неколку дена.
– Од 6 вечерта во средата до следното утро сиромашните ќе добијат ќебиња и засолниште. Ние сме солидарни со луѓето кои живеат на улица, изјави Хуан Кар, кој работи за социјална организација и ги координира активностите во аргентинскиот клуб.
