Филип Коку го замени Лампард на чело на Дерби

Како што се очекуваше, Филип Коку беше назначен за менаџер на Дерби Каунти, наследувајќи го Френк Лампард, кој премина во Челзи.

Договорот на 48-годишниот стратег е за 4 години, а на „Прајд Парк“ тој ќе ги земе со себе долгогодишните помошници Туан Шеперс и Крис ван дер Верден. Тој ќе се приклучи на „овните“ во Флорида, каде што тимот е на 10-дневен камп.

Коку беше без работа од минатиот октомври, кога неговата авантура на чело на Фенербахче заврши прилично брзо и безславно. Пред тоа сепак, тој го изведе ПСВ до 3 титули на Холандија.

Од Дерби го направија свој приоритет поради вештината да работи и развива млади играчи, а и се зборува дека ќе добие сериозни средства, за да го засили тимот во стремежот повторно да влезе во Премиер лигата, откако во мај тимот го загуби финалето на плеј-офот и не успеа да се врати во елитата.