Бронза за Шведска на СП во фудбал за жени

Шведските репрезентативки во фудбал ја освоија бронзата на Светското првенство кое годинава се одржува во Франција,

Швеѓанките до бронзениот медал, дојдоа откако ја поразија репрезентацијата на Англија со резултат 2:1.

Сите голови беа постигнати во првото полувреме.

За Швеѓанките ова е трета бронза на светските првенства (1991, 2011, 2019), а најдобриот резултат го постигнаа во 2003 година кога беа сребрени.

Инаку, денеска се игра финалето на Светското првенство 2019 каде на дуел ќе се соочат трикратните светски шампионки и бранителки на шампионската титулата, фудбалерките на САД и Холандија, кои се актуелни европски шампиони.