Емери не крие: Ќе работиме до последно за нов дефанзивец

Менаџерот на Арсенал, Унаи Емери, ги увери фановите на клубот дека до последниот можен момент од трансфер прозорецот за Премиер лигата утре, „топчиите“ ќе се обидат да привлечат централен дефанзивец.

Зборовите на Шпанецот доаѓаат во позадина на интересот кај 32-годишниот Давид Луис од Челзи. Според англиските и француските медиуми, Бразилецот изразил желба да премине кај „топџиите“, без оглед на тоа што тој повторно потпиша договор со „сините“ во 2019 година за уте две години.

– Ако можеме во последниот ден, ќе се обидеме да привлечеме уште еден централен дефанзивец, но таков, кој би можел да ни помогне. Располагаме со многу дефанзивни играчи. Работите може станаа различни кога Лоран Кошчелни не извести дека сака да си замине. Ние ја истражуваме можноста да земеме уште еден централен дефанзивец, но само со идеја да ни помогнете во нашата постава. Ние работиме на тоа, вели Емери.

Шпанецот изјави дека ќе ја разгледаат и можноста да привлечат и други играчи кои би го подигнале нивото на тимот.

– Се обидовме да потпишеме со некои важни, скапи играчи за нашата одбрана. Ако не сме во можност да го сториме тоа, втората линија на можни засилувања воопшто не не убедуваат, дека вредат, додаде Емери.