Почетино пред мечот со Сити: Уште една можност да се соочам со еден од најдобрите менаџери

Менаџерот на Тотенхем, Маурисио Покетино, зборуваше позитивно за својот противник, Пеп Гвардиола, пред судирот на „петлите“ со Манчестер Сити утре од 17:30 часот на „Етихад“.

Аргентинецот го посочи Гвардиола како еден од најдобрите тренери во светот, но и ја посочи својата амбиција да го победи.

– Среќен сум што повторно ќе се соочам со него (Гвардиола). Уште една можност да се соочам со еден од најдобрите, ако не и најдобриот менаџер на светот и да се обидам да го победам. Јас се обидувам да ги победам сите менаџери, се разбира. Јас сакам да се натпреварувам, сакам да ги победам сите, но сепак тоа е фудбал, а фудбалот е колективен спорт, а не индивидуално натпреварување, рече Почетино за Гвардиола.