Фернандињо: Сити беше подобар од Шахтјор во текот на целиот натпревар

Капитенот на Манчестер сити, Фернандињо, по синоќешниот триумф на гостувањето кај Шахтјор, изрази задоволство од тоа како функционираше целиот тим.

– Одигравме добар натпревар и во текот на сите 90 минути бевме подобри од противникот. Функциониравме по сите линии, почнувајќи од напаѓачите што ги покриваа слободните зони. Тоа им помогна на дефанзивците. Игравме тимски и ја заслуживме оваа победа. Создадовме многу шанси и не му дозволивме на Шахтјор да не загрози, изјави Фернандињо.

Манчестер сити го победи Шахтјор со 3:0 во 1.коло од Ц-групата во Лигата на шампионите.