Инфантино бара енергични мерки против расизмот на стадионите во Италија

Претседателот на Светската фудбалска асоцијација (ФИФА) Џани Инфантино призна дека во Италија има проблеми со манифестација на расизам од страна на навивачите кон фудбалерите. Тој побара акција од надлежните за спречување и искоренување на оваа појава од стадионите на Апенинскиот Полуостров.

Натпреварот од 4. коло во Серија А, Аталанта – Фиорентина (2: 2) беше запрен поради расистички извици од трибините.

– Расизмот може да се победи преку едукација и дискусија. Во фудбалот не треба да има вакви манифестации. Но, во Италија ситуацијата не се подобрува. Неопходно е да се санкционираат оние што се нетолерантни на стадионот и да се отстранат од таму. Неопходно е да се напишат казни, да се лиши од правото да присуствува на натпревари, како во Англија. Не можете да се плашите да се соочите со овој проблем, во спротивно тој нема да исчезне сам по себе, апелира Инфантино.