УЕФА ќе засади 600.000 дрвjа во 12 држави

Европската фудбалска асоцијација, УЕФА, објави дека планира спроведување акција за засадување на 600 илјади дрвjа во 12-те држави кои ќе бидат домаќини на Европското првенство следната година.

Организацијата предводена од Словенецот Александер Чеферин, на ваков начин сака да се обиде да ја намали емисијата на јаглерод диоксид при патувањата на навивачите во земјите каде ќе се игра континенталното првенство.

УЕФА реши на 60-годишнината од првото ЕП, шампионатот да го додели на дури 12 земји, и тоа ќе биде нешто невидено, и огромен зафат околу организацијата бидејќи во земјите има различни закони, потреба од визи за влез, мечеви во и надвор од Европска унија, и слични проблеми.

Масовните патувања на фановите ќе придонесат за големо загадување и валкање, па затоа УЕФА со садење дрвца ќе се бори против загадувањето на животната средина.