Нејмар сликовито го објасни односот со навивачите на ПСЖ

Бразилецот Нејмар веќе на трети натпревар сезонава со свој гол му носи минимална победа на Пари Сен Жермен во француската лига, но и понатаму навивачите на клубот се против него.

Фановите никако не можат да му простат што цело лето се обидуваше да си замине и да се врати во Барселона. Тие вербално го навредуваа, истакнуваа навредливи транспаренти против Нејмар, но страстите можеби полека ќе почнат да се смируваат.

– Мојот однос со навивачите е како со жена. Некогаш се карате, па одредено време и не зборувате. Сепак, со љубов и посветеност, сè се враќа во нормала. Тука сум за да му помогнам на тимот и ќе го дадам и својот живот на терен, изјави најскапиот фудбалер на светот.