Сари: Нема фаворити на натпреварот со Интер

Тренерот на Јувентус, Маурисио Сари не штедеше пофални зборови за Интер. Двете екипи вечерва ќе се соочат во дербито на „Меаца“.

– Ние излегуваме против силен тим, во момент на добра форма. Нема фаворити на овој натпревар. Гледам само две силни екипи. Прекрасно е чувството да се биде на вакви натпревари. Интер е комплетен тим, многу опасен и добар во тоа да се врати во мечот. Ќе биде одличен натпревар. Ние мора да го потврдиме напредокот што го имаме. Во овој период, треба да се концентрираме на нашите перформанси, рече Сари.

Дуелот почнува од 20,45 часот, а двете екипи моменталнo ги окупираат првите две места во Калчото.