Пропадна првата шанса за пласман на Македонија на ЕУРО 2020, рутинска победа на Полска

Втор пат во квалификациите за Европското фудбалско првенство 2020, репрезентацијата на Полска ја совлада македонската селекција, овој пат во Варшава со 2:0.

Избраниците на селекторот Игор Ангеловски издржаа едно полувреме, но во второто потклекнаа под налетите на домаќините кои заслужено ги освоија трите бода.

Стрелци на головите беа Франковски во 74. и Милик во 80. минута.

Со оваа победа Полска избори пласман на ЕУРО 2020.

На другиот дуел од 8.коло од Г-групата одигран вечерва, Словенија на домашен терен загуби од Австрија со 1:0.

Табела: 1.Полска 19 бода

2.Австрија 16

3.Македонија 11

4.Словенија 11

5.Израел 8 (натпревар помалку)

6.Летонија 0 (натпревар помалку).