„Твитер“ дербито меѓу Саса и Осогово на терен донесе 7+

Натпреварите од Втората фудбалска македонска лига донесоа неколку интересни резултати и победи на тимови со голови во финишот.

Најрасположени за постигнување голови беа фудбалерите на Каменица Саса, кои со „петарда“ во мрежата на Осогово, како победници си заминуваат од Кочани. Сепак, „твитер“ дербито на администраторите на ГФК Осогово и ФК Сасa може да се прогласи за најголема победа од причина што и едните и другите администратори допринесуваат за популаризација на фудбалот од втората македонска лига и целосно ги следат светските трендови.

Дербито помеѓу Тиквеш и Беласица им припадна на гостите со гол во 90-та минута, па сега струмичани се први, а може да ги симне Кожуф кој ќе гостува кај Брегалница. На Западот, Пелистер го задржа врвот, откако остана непоразен на дербито во Лабуништа.

Резултати, Исток: Осогово – Каменица Саса 2:5, Питу Гули – Плачковица 0:1, Тиквеш 1930 – Беласица 1:2, Кит-Го Пехчево – Победа 2:1, Брегалница – Кожуф се игра од 18 часот. Запад: Кадино – Влазерими 0:0, Лабуништа 2011 – Пелистер 1:1, Вардар Форино – Кораби 2:2, Скопје – КФГ Гостивар 0:0, Дрита – Охрид Лихнидос 0:1