Извршниот директор на Борусија Дортмунд, Ханс-Јоаким Вацке призна дека веднаш би платил 100 милиони евра за топ-стрелецот на Баерн Минхен, Роберт Левандовски, кој си направи име токму во дресот на „жолто-црните“.
Освојувачката на 23 Гренд-слем титули и финалистка на „Вимблдон“ 2018, Серена Вилијамс се пожали на социјалните мрежи од честите допинг тестови, на кои е принудена оваа сезона.
Официјални лица на Меѓународната автомобилистичка федерација (ФИА) ќе ја посетат патеката „Асен“ во наредните недели, за да ја проверат трасата за евентуално домаќинство на Гран-При на Холандија во 2020 или 2021 година.
Иванов (32 год, 200 см) е поранешен играч на Задар, каде што мина вкупно седум сезони во три наврати. Хрватот настапуваше и во дресот на Крка. Минатата сезона тој настапи на 21 средба во регионална АБА-лига во дресот на тимот од Задар и постигнуваше во просек 11,2 поени и 4,7 скока.
Португалскиот плејмејкер, Жоао Мутињо веќе е дел од англиската Премиер Лига, поточно од повратникот во елитата Вулверхемптон. Монако и Вулвс постигнаа договор вреден пет милиони евра, по што играчот ги помина медицинските прегледи и потпиша договор за две години.
Селекторот на младинската репрезентација на Македонија, Данило Брестовац, денеска беше промовиран како нов тренер на Металург. Брестовац доаѓа на местото на Александар Јовиќ, кој го водеше тимот на Металург во минатата сезона.
Антонио Конте ќе биде нов тренер на Милан. Тој ќе го замени Џенаро Гатузо, напишаа денеска „Газета дело Спорт“ и „Кориере дело Спорт“. Според информациите, Конте ќе го преземе Милан откако Леонардо претходно беше назначен за технички директор на клубот.
Новиот тренер на ПСЖ, Томас Тухел сака да го засили својот состав со Ренато Санчез од Баерн Минхен, Антонио Рудигер од Челзи и Јулијан Вајгл од Борусија Дортмунд, соопштува „Паризиен“.
Двејн Вејд од неодамна е мета на клубови од кинеската лига, а сега на маса има и конкретна понуда. Вејд минатата сезона ја помина во Мајами Хит, а сега се уште не одлучил каде да ја продолжи кариерата или можеби да ја заврши.
Серена Вилијамс доби вајлд карта за „Роџерс купот“ во Монтреал следниот месец, објавија организаторите. Трикратната победничка, која во септември стана и мајка, пред само десетина дена загуби во финалето на „Вимблдон“ против Анжелик Кербер.
