Без соработка и размена на информации не може да функционира системот за заштита од природни несреќи и катастрофи, беше заклучено на денешната работилница „Градење акциска мрежа за урбана отпорност во Југоисточна Европа“, во организација на УНДП што се одржа во Струмица.
Во акциите на полицијата во септември од слобода биле лишени 120 лица кои биле вклучени во „неовластено производство и пуштање во промет на наркотични дроги, психотропни супстанци и прекурсори“, информираат од СВР Тетово.
Реконструкцијата на регионалниот пат Прдејци-Смоквица на територијата на општина Гевгелија, кој е дел од програмата на јавното претпријатие за државни патишта,почна во изведба на екипи на ЈП „Македонија пат“.
Општина Охрид заедно со Друштвото за производство, трговија и услуги О3 Инвест Скопје денеска организира Саем за вработување и Пазар на идеи.
Да се рестартира некогашното Детско одморалиште на Беровско езеро и да се поддржат успешните локални бизнисмени, побара градоначалникот Звонко Пекевски од министерот за подобрување на инвестициската клима за домашни претпријатија Зоран Шапуриќ.
Општина Кавадарци започна со реализација на проектот за внатрешна реконструкција на спортската сала „Партизан“.
Во текот на минатиот месец (септември) на поширокото гостиварско подрачје, полициските службеници откриле 842 сообраќајни прекршоци од вкупно контролираните 2.272 возила и возачи. Поради констатираните прекршоци од сообраќај биле исклучени 108 возила, најмногу со истечена, односно необновена регистрација (68) и техничка неисправност (40).
Основните и средните училишта во Битола во моментов должат 47.700.000 денари или над 770.000 евра за неплатени услуги поврзани со организираниот училишен превоз во овој град.
Околу 150 средношколци од Преспа, кои своето образование го продолжиле во Битола денеска, втор ден не отидоа на настава поради немање бесплатен превоз. Учениците од селата Јанковец и Златари со овој проблем се соочувале од почетокот на учебната година, бидејќи немале платен превоз до Ресен и сами се снаоѓале.
Општина Куманово го распиша овогодинешниот конкурс за доделување на номевриската награда, која се доделува на поединци, претпријатија, установи и институции по повод „11 Ноември“ – Денот на ослободување на Куманово.
