Индиското Министерство за надворешни работи денеска соопшти дека кинеските трупи вчера биле ангажирани во провокативна акција на границата, дури и во време додека воените команданти разговарале со цел да ги намалат тензиите.
Поранешниот судански претседател Омар Ал Башир денеска се појави пред Суд на почетокот на постапката против него во врска со воениот удар што го донесе на власт во 1989 година.
Во Израел денеска е регистриран рекорден дневен раст на новоинфицирани со коронавирус, и тоа на почетокот на неделата во која почнува новата учебна година, соопшти денеска Министерството за здравство.
Европската унија ја предупреди Унгарија дека не може да ги затвори своите граници за сите странци и да им дозволи враќање само на своите граѓани, откако унгарската Влада денеска воведе нови заострени мерки како одговор на, како што наведе, вториот бран од инфекции на коронавирусот во Европа.
Александар Гинтсбург, директор на Институтот за епидемиологија и микробиологија „Гамалеја“ во Русија, изјави дека не се планира руската вакцина за коронавирус да биде достапна за другите земји во следната година, се додека руското население не се вакцинира, пренесува Тасс.
Норвешкиот Парламент во последните неколку дена претрпел кибер напад, а хакирани биле мејловите на неколку пратеници и вработени, соопштија денеска норвешкото Собрание и Агенцијата за контраразузнавање.
За ситуацијата во Белорусија, Русија ќе биде водена од меѓународното право и постојните билатерални обврски меѓу Москва и Минск, изјави денеска рускиот министер за надворешни работи Сергеј Лавров во говорот пред студентите и професорите на московскиот универзитет МГИМО.
Неколку стотици студенти денеска протестираа во Минск на почетокот од новата учебна година, осудувајќи го авторитарното владеење на претседателот Александар Лукашенко, кој се соочува со повеќенеделни демонстрации во врска со спорните претседателски избори.
Унгарските власти одлучија да дозволат влез на туристи од Полска, Чешка и Словачка, со „свеж“ негативен тест за коронавирус.
Следните шест недели се клучни за иднината на Либан, изјави францускиот претседател Емануел Макрон за време на неговата посета на Бејрут
