Привремениот менаџер на Манчестер Јунајтед, Оле Гунар Солскјер беше многу среќен по победата од 3:1 над Арсенал во Лондон во натпревар од четвртиот круг на ФА Купот.
Напаѓачот на Реал, Маријано Дијаз може да го напушти клубот. Тој може да заигра на изнајмување во друг шпански тим. Станува збор за Реал Бетис, кој сака да го преземе Доминиканецот во јануари, информира каталонскиот весник „Спорт“.
Светската шампионка Никол Шмидхофер (Австрија) ја освои трката во Супер-Џи во германскиот зимски центар Гармиш-Партенкирхен, дел од Светскиот куп во ски-алпски дисциплини.
Јапонката Наоми Осака е новата шампионка на Австралија Опен и новата лидерка на светската ВТА листа.
Фудбалерот на Челзи, Н’Голо Канте е подготвен да ја финансира потрагата по исчезнатиот Емилијано Сала и пилотот Дејв Иботсон. 72 часа по исчезнувањето на малиот авион со кој напаѓачот требаше да пристигне во Кардиф од Нант, полицијата во Гернзи ја прекина операцијата за пронаоѓање на леталото. Овој потег, логично, не беше прифатен од семејството на Сала и од фудбалскиот свет.
ЦСКА Москва го победи домаќинот Барселона со 84:76 (44:41) во средба од 20-тото коло на Евролигата во кошарка за мажи. Со 15-от успех во кампањата, Русите се зацврстија на третото место на табелата. Нандо Де Коло заврши со 25 поени, вклучувајќи рекордни во кариерата 7 тројки во натпревар од турнирот. Никита Курбанов придонесе со 17 поени и 5 скока. Виктор Клавер беше најуспешен кај Каталонците со 17 поени.
Одбојкарот Васе Михаилов од ОК „Струмица“ и член на македонската репрезентација е избран за спортист на годината на Струмица за 2018 година на манифестацијата која се одржа синоќа.
Трансферот на братот на Ромелу Лукаку – Џордан – во Њукасл пропадна во последната секунда. Тој ги помина медицинските тестови, но откако излегоа резултатите од нив, „страчките“ одлучија да не потпишуваат договор со него.
Марио Балотели влезе како резерва и се запиша во листата на стрелците во своето деби за Олимпик Марсеј, но тоа не помогна да биде избегнат домашниот пораз со 1:2 од Лил во натпревар од 22-то коло на француското фудбалско првенство.
Менаџерот на Арсенал, Унаи Емери призна за супериорноста на Манчестер Јунајтед по поразот со 1:3 во меч од шеснаесетфиналето на ФА Купот, одигран во Лондон.
